Er málfarsráðunauturinn kominn í sumarfrí?

Í kvöldfréttatíma Sjónvarpsins var skemmtileg frétt um handverkskonuna Ragnheiði Sigurðardóttur frá Kolsstöðum í Hvítárssíðu.  Fréttamaður RÚV þar um slóðir, flutti fréttina.  Hann missté sig illilega á íslenskunni því hann sagði í fréttinni:... að Ragnheiður Sigurðardóttir frá Kolsstöðum í Hvítársíðu kvæntist aldrei!  

 

Ég hélt að mér hefði misheyrst svo ég hlýddi á fréttina aftur á Vefnum, og viti menn, fréttamaðurinn segir þetta, svo ótrúlegt sem það annars er.

 

Okkur getur öllum orðið á og okkur verður öllum á en ég held að það sé ekki ofrausn að fara framá að á sama hátt og dagblöðin eru prófarkarlesin (sum hver í það minnsta) að þá sé einhverjum falið að hlusta á fréttir sem starfsmenn vinna og kanna hvort þær séu réttar m.t.t. íslensks máls áður en þær eru sendar út. 

Ætli málsfarsráðunautur RÚV sé kominn í sumarfrí?

Athugasemdir

[Guðríður Hrefna Haraldsdóttir, 11.6.2007 kl. 02:04]

Velkominn á Moggabloggið, Tinnu-pabbi! Ég er sérlegur aðdáandi dóttur þinnar og grenja oft úr hlátri yfir skemmtilega blogginu hennar. 

Þetta með að konur kvænist ... fúlt að missa af því. Er mjög hrifin af öllum svona villum og þá sérstaklega þýðingarvillum. Hélt að slíkt kæmist ekki í gegn hjá RÚV.